سلام
عيد مجيد و كل عام و انتم بألف خير
يا جماعة عيدكم بالصحا و الهنا ، تعيدو و تزيدو ، اليوم بلا عربية فصحى ، اليوم عيد و عواشير ، عيدكم مبارك و كل عام و انتم بألف خير ، تقبل الله منا و منكم ، غفر الله لنا و لكم ، أعاده الله علينا و عليكم بالخير و اليمن و البركات ، الي عيد بصحوا و ربي يتقبل منو ، و لي ماشراش علابالنا الحالة غالية هذا العام ربي يعوضوا خير و بركة ، و لي ذبح الكبش – كيما حالتي – ربي يتقبل منو الأضحية و يجعلها في ميزان حسناته ، المفيد ، راني تعبان و راسي قد الدنيا و قريب ينفجر من الألم (شربت فنجال قهوة bien seré و حبة Panadol extra بدون فائدة و للأسف ما نتكيفش الحل في هذه الحالة مجهول … ) ، الى صلب الموضوع ، واحد صاحبي قالي لكي شاف التصويرة أعلاه بلي راني نبان كيما الحاشيشين تاع Gothic 3 ، و لما شاف هذا الفيديو قال أني مجرم حرب …. و نتوما واش رايكم ؟؟
و هذه صور أخرى :
يبدوا أني سأحيل نفسي الى مهنة جزار و انتهي من مشاكل الجامعة مرة واحدة و للأبد
يوم قبل التضحية …
الكبش قبل 
لحظات بعد التضحية …
الكبش بعد O_o
النهاية !
mission accomplished !!
للعلم كل هذا و أكثر كان ضمن غزوة ذات خروفان ! ، تحياتي .
أهلا بكم و مرحبا في مدونتي، إسمي عبد الحفيظ شراير و هذه مساحتي الشخصية، اكتب فيها من حين لآخر ما يجول في الخاطر، قد تجد ما يسرك و قد لا تجد، متشائم بطبعي، عاشق و مهتم بالتقنية، مبرمج هاوي، طالب جامعي، مدون منذ سنة 2010 ، المزيد عني في هذه 
عدد التعليقات (30)
أضف تعليقا